Un tèxt mandat per l’escrivan Joan Larzac

A reçaupre ton messatge, m’es vengut, dins l’emocion, aquel poèma.

Lo te mandi, companh tu tanben del temps que visquèrem  de luchas e de cançons.

E gràcia a tu, non s’acaba  . 

Tant que cantarà, La Sauze

reviscolarà los mòrts

l’occitan, coquin de sòrt,

es plan viu, e degun ause

dire enlòc que lo patés

s’es endormit !  Se  repausa

coma un vin sens cap de rausa,

que rebolhís coma un sang fresc

dins la tina de ton còr .

                Joan Larzac

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*