Lo 22 de febrièr pòrtas dubèrtas a l’Universitat Pau Valèri de Montpelhièr

Deman dimècres, 22 de febrièr, l’Universitat Pau Valèri Montpelhièr III organiza una jornada de pòrtas dobèrtas per aculhir los liceans, en vacanças dins l’acadèmia. La tòca es de los assabentar dels estudis superiors d’occitan e dels mestièrs que poiràn far amb aquela competéncia lingüistica. Per l’escasença, lo departament d’occitan de l’universitat organiza un rescontre entre liceans, estudiants e professionals de la lenga nòstra dins una jornada que compren de conferéncias, de vesitas, d’obradors, d’animacions e de participacions als corses.

Lo rescontre se tendrà entre 15h15 e 16h45 en presencial a l’Universitat Pau Valèri, Estrada de Mende, a Montpelhièr en sala A105. Se poirà tanben seguir per videoconferéncia sus https://univ-montp3-fr.zoom.us/j/96061489648

Info / Jornalet