Un centenat de manifestants an cridat » Gardarèm los Castèls Catars » dissabte 7 de febriér , dins la matinada , davant l’edifici del Conselh departamental d’Aude a Carcassona . La polemica es lançada dempuèi la causida del Conselh de voler cambiar lo nom de « castéls Catars « per lo de » Fortalesas reialas » , dins lo dorsièr de l’UNESCO . Amb las presas de paraulas de Joan Pèire Laval per Pais Nòstre , Joan Francés Laffont Pdt de Convergéncia Occitana , Domenge Drouet de Bolegadis , Joan Pèire Bérou de l’associacion Cathares et Protestants , Joan Luc Davezac de Bastir Occitania , Toni Strubell de l’Assemblea Nacional Catalana ,e de Felip Bonnet del Partit de la Nacion Occitana . La manifestacion s’es acabada amb la lectura d’un téxt de sosten de Claudi Marti e amb una cançon de Renat Nelli cantada per Gérard Zuchetto . Un novèl recampament occitan es previst lo 16 de març al castèl de Montsegur .
Paratge e Convivència
