DISSABTE 21 de NOVEMBRE, a 11h al Portalh dels Jacobins- Carcassona
Lo Cercle Occitan del País de Carcassona e l’Institut d’Estudis Occitans-Aude
s’associan a la crida lançada per la Confederacion de las Calandretas
COMUNICAT DE PREMSA
MOBILIZACION 21 DE NOVEMBRE
Per que visca l’occitan dins la legitimitat
Lo 21 de novembre venent, lo movement Calandreta se va mobilizar per organizar d’unas amassadas festivas dins mantun vilas del territòri occitan.
Desiram a aquela escasença interpelar ciutadans, elegits, premsa sus la situacion de las lengas regionalas, en particular de l’occitan.
En efièch, nòstra lenga es regularament atacada dins son usatge per l’oposicion de l’article 2 de la Constitucion (çò qu’en 1992 èra pas dins l’esperit de sa redaccion), desiram donc sostenir la PPLC de P. Dufau e P. Molac (https://www.assemblee-nationale.fr/dyn/17/textes/l17b3216_proposition-loi)
D’un autre costat, sens estatut, integrat dins una lei lingüistica globala, son ensenhament se retròba empachat, frenat per de mejans insufisents.
Cridam donc a un engatjament sus la redaccion e l’aplicacion d’una tala lei.
Enfin, sostenèm una reconeissença de totas las lengas regionalas, e demandam una reconeissença de lor oficialitat.
França es un país multilingüe, amb lo francés coma lenga comuna, balham a caduna la valor istorica e actuala que merita.
Contacte : Confederacion Calandreta. 0688596904
. AMB LO SOSTEN DEL MOVEMENT PAIS NÒSTRE