• Òctele vos desira una bona annada 2022 ! ÒCtele que’vs desira ua bona annada 2022. La cadea occitana qu’entra en la soa 9au annada e que’vs prepausa enqüèra e tostemps programas dab sens, de qualitat, creatius, variats e dròlles a còps !
ÒCtele qu’ei la vòsta cadea. Que n’i a tà tots los gosts : actualitat, societat, joenessa, films, serias, documentaris, musica, patrimòni…
• Qué i a de nau ?
– Qu’at v’avèm anonciat, Fred que se’n torna entà navèras aventuras.
En « Los Secrets de Fred », que’ns desvelarà matuns mistèris de Navèra-Aquitània. Ovnis, bèstias fantasticas, lòcs mistics, istòrias de non pas créder, personatges mauconeguts… arren ne’u s’escapa !
Que’u podetz arretrobar cada setmana deu 12 de genèr enlà sus la nosta pagina Facebook e suu site d’Òctele
– Lo jaç es una seria realizada per Carl Carnieto
Produccion : MARA FILMS
Coproduccion : ÒCtele e France Televisions.
Actors principals : Arnaud CANCE e Emilie ESQUERRE
Sinòpsi : Harts de la vita en vila, un coble de quarantenaires que s’estableishen en Dordonha e qu’i obreishen un jaç. Mes la lor purmèra expériencia n’ei pas tant tranquille com l’avèn saunejada…
A tornar trobar a partir del 18 de genièr sul siti d’ÒCtele. Un episòdi cada quinze jorns.