Era Val d’Aran que celèbre aué era sua Hèsta Nacionau, en rebrembe dera arrecuperacion des sues institucions. Dempús d’ua setmana d’eveniments, se debane aué er acte oficiau enes roïnes deth Santuari de Mijaran après era tradicionau recepcion des autoritats ena sedença deth Conselh Generau e era desfilada de pendons.
Enguan, era Medalha d’Aunor deth Conselh Generau d’Aran s’a autrejat ara doctora Immaculada Caubet coma arreconeishença ara sua trajectòria ath servici des ciutadans, e eth Prèmi 17 de Junh l’an emportat es centres educatius dera Val d’Aran e es sòns professionaus. Agèr s’autregèren es prèmis Aran de Literatura e Mossèn Condò Sambeat. ( Info : Jornalet )