La cauma interprofessionala d’aqueste dijòus passat dins tot l’estat francés a agut un impacte determinant. Respondiá a la crida dels uèch sindicats principals contra la reforma de las pensions anonciada pel govèrn d’Élisabeth Borne, que recuola l’eda de retirada a 64 ans .
La reüssida de la protèsta es un desfís pel president Macron e pel govèrn de sa primièra ministra, e entraïnèt lo barrament de gasolinièras e d’escòlas, de grèus trebolums dins lo transpòrt ferroviari e una casuda fòrta de la produccion d’electricitat. Lo sindicat CGT indicava ièr de matin que totas las rafinariás de Total Energies avián interromput la produccion e lo provesiment pr’amor qu’entre lo 70% e lo 100% del personal segondavan la cauma. En consequéncia de la cauma, los salariats d’EDF provoquèron una casuda de la produccion electrica qu’equivaliá, almens, a dos còps lo consum de París.
De manifestacions multutidinàrias se tinguèron dins las principalas vilas de l’estat, dont tanplan las occitanas.
Info / Jornalet