Primièr de mai crucial contra la reforma de las retiradas

La jornada internacionala dels trabalhadors s’anóncia musclada dins tot l’estat francés e doncas dins la màger part d’Occitània

Es lo 1r de mai, jornada internacionala dels trabalhadors, una jornada de lucha del movement obrièr instaurada per la IIa Internacionala en 1889. Ongan, la jornada s’anóncia musclada dins tot l’estat francés, per tant dins la màger part d’Occitània, se prenèm en compte la contèsta sociala contra la reforma de las retiradas del govèrn francés e del biais que l’a impausada.

Las manifestacions se preveson nombrosas dins las principalas vilas del país. Lo movement País Nòstre a fach una crida als occitans, trabalhadors, joves e retirats, a manifestar amb de bandièras occitanas. Endavant a cridat tanben a manifestar pertot, mai que mai a Pau, per far valer nòstres dreches davant un poder parisenc cada còp mai centralizat.

       . Info   Jornalet  ( 1er de mai de 2023 )