Una letra dobèrta entitolada «Letra dobèrta als occitans per Palestina, la justícia, la patz e la convivéncia» es estada lançada recentament per d’artistas, d’escrivans e d’actors de la cultura occitana, amb la volontat d’exprimir una posicion collectiva sus la situacion en Palestina.
Iniciada e redigida per Alem Surre Garcia e Primaël Montgauzi, la letra revendica una actitud umanista e denóncia las violéncias actualas, tot en apelant a una patz fondada sus la justícia e l’egalitat dels dreches. Los signataris afirman lor solidaritat amb lo pòble palestinian, en condemnant tanben las violéncias patidas per las populacions civilas, tan palestinianas coma israelianas.
Lo tèxt s’inscriu dins una reflexion mai larga suls dreches dels pòbles e de las minoritats, en establissent un parallèl amb l’istòria occitana e en revendicant la convivéncia coma «l’art de viure amassa dins lo respècte mutual de l’alteritat» .
La letra es ja sostenguda per una primièra lista de signataris, dont de musicians, de jornalistas e d’actors culturals d’Occitània.
Per i aderir se pòt mandar un corric a primaelmontgauzi@gmail.com.
Letra dubèrta als Occitans per Palestina, la justícia, la patz e la convivéncia
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l’Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Comentaris
Escriu un comentari sus aqueste article