Al mes de setembre passat, lo conselh d’administracion de l’Institut d’Estudis Occitans aviá alertat sus sas grandas dificultats d’organizacion e de finançament. Aviá apelat l’ensemble dels aderents a se mobilizar e participar a l’amassada generala del 17 d’octòbre de 2021 a Tolosa. La mobilizacion foguèt fòrça importanta amb 175 personas, presentas e representadas. La discussion se concentrèt sus la continuitat d’activitat de l’IEO en abséncia de salariat per lo mantenement de sas activitats. L’amassada generala adoptèt los principis seguents:
— contunhar l’activitat d’edicion (IDÈCO)
— tornar assegurar la publicacion de la revista Anem Occitans – organizar lo foncionament del conselh d’administracion presencial o distancial
L’amassada generala a elegit a l’unanimitat, manca 3 abstencions, un novèl conselh d’administracion que compren un burèu alargat. S’i apondon tanplan Michèu Nicolas (IEO Charantas) e los representants de cada seccion regionala (Michèu Arnaud, Joan Ros, David Lajudie, representant d’IEO OPM). Un CA se tenguèt lo 16 de novembre de 2021 e decidiguèt la mesa en plaça d’una organizacion collectiva: lo burèu es constituit de 11 membres: 5 copresidents (amb de competéncias particularas) mai una clavaira, 2 vicepresidents encargats del secretariat e del secretariat adjonch, als quals cal ajustar 3 pòstes especifics.
La composicion del burèu de l’IEO
— Christian BONNET: copresident encargat de la revista Anem Occitans
— Tederic CAHUZAC: copresident encargat de la conferéncia dels presidents
— Esteve ROS: copresident encargat d’IDÈCO Edicion
— Eliane TOURTET: copresidenta encargada de las relacions exterioras
— Marc VIDAL: vicepresident encargat del secretariat e dels ligams amb lo nivel francés (PQVNL) e internacional (ELEN).
— Clamença POUJADE: vicepresidenta encargada del secretariat adjonch
— Isabela MEJEAN: clavaira
— Jaumelina ARNAUD: administratritz encargada de la pichona enfança
— Pèire BRECHET: administrator encargat de GeoOccitania e del protocòl de Donostia
— Alan CHAMBARAUD: administrator encargat d’Anem Occitans
Amb la mesa en plaça d’una gestion collectiva, l’IEO fa veire sa volontat de contunhar son òbra per la lenga e la cultura occitanas.
Info / Jornalet