Lo collectiu « Gardarem l’Estivada » vos balha rendètz-vos lo divendres 21 de julhet !
Dempuèi prèp de 30 ans, aviam costuma de nos acampar a aquesta epòca a l’entorn de la cultura e la lenga nòstras. Ongan, sèm totas e totes orfanèls de nòstre festenal.
Perque cresèm que l’ESTIVADA es pas mòrta e que demanda pas qu’a se reviscolar, perque pensam que pòrta en ela las valors umanistas que presam e una vision d’una cultura plurala d’avenidor, vos prepausam de nos amassar nombrosas e nombroses lo divendres 21 de julhet a Rodés, al jardin public que nos aculhiguèt tantas annadas ;
2 oras : Amassada Generala constitutiva d’una associacion de prefiguracion dubèrta a totas las bonas volontats
4 oras : aficatge en vila per anonciar lo forum ciutadan e festiu qu’organizarem a Rodés al mes d’octobre de 2023
7 oras : pica-mica festiu e partejat al jardin public
8 oras 30 : presa de paraula e balèti en scèna dubèrta.
Per facilitar l’organizacion, vos mercejam d’anonciar vòstra participacion a aquesta jornada en mandant un mail a collectifgardaremlestivada@gmail.com o per nòstra pagina facebook