» Montsegur 1244 – 2024 , Recampament lo 16 de març » es lo tèma de la cronica occitana Mar Nòstra de Joan-Pèire Laval per Ràdio Lengadòc .Coma cada an , Convergéncia Occitana organisa una commemoracion que se fara dissabte 16 de març a 11 oras , amb presas de paraulas , cançons amb la corala Tolosenca e puèi dinnar al vilatge .
La cronica occitana Mar Nòstra es difusada sus l’antena de Ràdio Lengadòc 95.5 fm ( Narbona , Besièrs ) e 97.0 fm ( Carcassona ) lo diluns a 7 oras 45 , lo dimars a 8 oras 30 , lo dimecres a 11 oras 30 , lo dijous a 15 oras 30 e lo divendres a 17 oras .
Nascuda en 2003, Ràdio Lengadòc es una ràdio associativa occitana, sòcia de l’Assemblée régionale des radios associatives (ARRA) e bailejada per l’associacion Lenga d’òc-Lenga viva.
Es difusada dins lo Narbonés, lo Besièrenc e lo Carcassès.
Dempuèi l’estudiò del 10 carrièra Washington de Narbona, realizam una programacion musicala mai que mai latina mas tanben un fum d’emissions.