Deman, 28 de novembre, l’Ostal Occitan de Narbona aculhirà una reünion publica de solidaritat amb los presonièrs politics e los exiliats catalans. I intervendràn Carles Puigdemont, president de la Generalitat en exili, en vidèoconferéncia de Brussèlas estant, e Nicolas Garcia, vicepresident del Conselh Departamental dels Pirenèus Orientals, present dins la sala. Puèi, un debat serà moderat per la jornalista Gisèla Naconaski e pel president de País Nòstre, Joan-Pèire Laval.
Lo collectiu País Nòstre a organizat l’eveniment, chepicat pel procès judiciari que se dobrirà a Madrid dins qualques setmanas contra 18 ministres de la Generalitat de Catalonha, parlamentaris e caps de movements ciutadans, acusats per la justícia espanhòla d’aver organizat un referendum d’autodeterminacion lo 1r d’octòbre de 2017. Son acusats de “sedicion” e “rebellion”, e riscan entre 12 e 25 ans de preson.
. LO JORNALET