• Las edicions de Cabardés venon de publicar Joan de l’Ors/Jean de l’Ours, un albom pels joves (5-7 ans). Una version del conte escrita en occitan e revirada en francés per Alan Roch e illustrada per Elsa Huet.
Joan, filh d’un ors e d’una pastreta, ten una fòrça subre-umana. Corrís lo monde, rescontra tres companhs estranhs, combat un gigant, e salva tres princessas presonièras de las prigondors de la tèrra.
Joan de l’Ors es un conte tradicional, pirenenc, occitan e universal !
Quatre paginas informativas (Una legenda universala ; Las fèstas de l’ors) complètan lo raconte que se pòt ausir en version corta e en version mai longa en francés e en occitan sul site de las edicions (www.editions-du-cabardes.fr).
Lo libre : 11 € ; se pòt comandar (ajustar 2 € pel mandadís) a : IEO-Aude BP 51042 11860-Carcassona Cedex
• Una presentacion-signatura es prevista lo dissabte 1èr de febrièr (11h del matin) a la Librariá Mots & Cie, carrièra de la Gara a Carcassona.