Escotatz la lenga RADIO PAIS

Ràdio País qu’ei titulària de tres frequéncias d’emission en modulacion de frequéncia (FM) en Biarn sus 89.8 FM, en Bigòrra sus 101.5 FM e dens lo Gers sus 90.8 FM. La Radio qu’emet tanben en streaming sus internet e qu’a per volentat d’espandir lo sué zòna d’escota enas Lanas e en Baish-Ador.


Ràdio País qu’estó creada en Biarn en 1983 au moment de la neishença de las ràdios libras. Qu’ei difusada en Biarn, en Bigòrra e en Gèrs. Un sol e medish programa qu’ei difusat sus en Biarn e Bigòrra mentre qu’ua partida de la programacion ei especifica au Gèrs mercés a ua despenjada botada en plaça fin 2013.

Lo jornau e la tecnica que son assegurats per professionaus tecnicians e jornalistas titulars de la carta de premsa.

Ràdio País qu’ei ua associacion lei de 1901 animada per benevòlas e professionaus e gerida per ua federacion d’associacions. Lo son nom qu’ei « Federacion VIVRE AU PAYS Ràdio País », fondada en abriu de 1996. Las associacions federadas que son Ràdio País Lanas Baish-Ador, Ràdio País Bigòrra e Ràdio País Gers.

 

Las miras de la federacion que son :

  • promòver la lenga e la cultura d’òc en Gasconha peus mejans audiovisuaus.
  • assegurar de hèit lo servici public de radiodifusion en occitan.

Qu’ei ua ràdio independenta e bilingüa qui an per tòca de dar prioritat a l’expression en occitan-gascon mès tanben d’èster la votz de la vita locau e, entre aute per sa programacion musicau, de’s har lo relais d’autas culturas minoritàrias.

 

Coma tota lenga a l’estat naturau, l’occitan qu’ei ua lenga dialectalizada e un deus interès màgers deu projècte Ràdio País qu’ei de balhar a enténer las divèrsas modalitats de l’occitan-gascon (nomiat tradicionaument biarnés en Biarn…) mès tanben las autas variantas occitanas : lengadocian, provençau, limosin. D’aqueth contacte que nèish la vita e la creacion dens la lenga.

Atau, Ràdio País qu’ei un utís entà l’occitan en ensajant d’èster en fasa dab la diversitat de sons usatges.

 

Qu’ei uei le dia un mèdia estructurat e professionalizat de dimension regionau.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*