Encontre amb Geraud Delbès lo 15 de genièr a Preishac d’Ador ( Gers )

Mots d'Oc mots d'ici

L’associacion Alavetz organiza un encontre dedicàcia dambe Geraud Delbès, autor de « Mots d’oc, mots d’ici » lo dissabte 15 de genèr a 11 oras a la sala de las hèstas de Preishac d’Ador.

Dens aqueth obratge, tornaratz descobrir mes de 150 mots, expressions e autas curiositats d’origina occitana.
Daubuns son utilisats en lo francés entenut sus tot lo territòri de lenga occitana : la canha, bondiu, escagassar, bufador… D’autes mots venguts de l’occitan son tanben passats dens lo francés : petanca, castanha, bidasse, nhaca… Tots aqueths mots hen partida de la vita vitanta. Tant vau díser que parlatz dejà occitan shens vos n’avisar !
Tornatz trobar mots mes tanben toponimes e patronimes de soca occitana.

Alavetz, l’occitan n’es pas ua lenga deu passat. Qu’es plan presenta e tanben capable de s’adaptar a l’evolucion de la nosta societat. Aqueth libe presenta tanben neologismes : coma se dit en occitan “un selfy”, “une trotinette” o « une tablette numérique » ? Responsa assegurada dens aqueth libe que s’adreça a tots : que parletz occitan o non, que demoretz en País d’òc o non, auratz tot lo plaser de descobrir o tornar descobrir los mots que venguen d’aquera polida lenga d’òc.

Géraud Delbès es professor a l’Institut d’estudis occitanas de Hauta Garona. Qu’es tanben cronicaire a França Blua Occitània, on presenta cada dia « Los Mots d’Òc » e cada dimenge a mieijorn « Conta Monde ».

Editor : Privat – 192 paginas – 16,90 euros

asso.alavetz@gmail.com 06 14 58 19 02

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*