En occitan tanben, nos podèm passejar suls camins de l’imaginari en legissent romans e novèlas :
– per exemple, se daissar embelinar per l’escritura poetica de Max Roqueta, suls caminòls de la garriga, (Verd Paradís II) o se far prendre per las pròsas fòrtas e sarradas d’Ives Roqueta (A cada jorn son mièg lum)
– anar descobrir d’autras literaturas e d’autras culturas, de cap a l’Africa del Sud (Una cadena de voses d’André Brink, revirat per Sèrgi Carles), l’Irlanda (‘na lonja, lonja via de Sebastian Barry, revirat per Joan Peire Lacomba), lo Mexic (La Pèrla de John Steinbeck, revirat per Joan Peire Lacomba), l’Espanha del sègle XVI (La vida de Lazarillo de Tormes, revirat per Sèrgi Carles) o del sègle XX (Los sants innocents de Miguel Delibes, revirat per Sèrgi Carles)
– legir e descobrir de racontes d’enfança : Dins de patetas rojas de Maria Roanet o La drolleta de la luna d’A. Yzac o encara la pròsa onirica e extraordinària d’Armand Robin, revirat d’una pluma magistrala per Jan dau Melhau (Lo temps que fai), un roman istoric que nos mena dins l’Antiquitat : Escura, la nueit de Joan Loís Lavit o las novèlas de Joan Peire Lacomba (Daus vistons dins la nuech)
– mas tanben las òbras d’anticipacion d’Evgneni Zamiatin (Nosautres, revirat per Joan Ros) denonciant lo totalitarisme, plan abans George Orwell (1984, revirat per Felip Biu)
– la sciéncia ficcion, de Lovecraft (Lo qui marmusava dens l’escuranha, revirat per Felip Biu), e Joan Loís Lavit (Las moscas)
o, perqué pas, acabar amb un roman policièr risolièr, Bèth peu de sau de Joan Loís Lavit
Tot un monde d’aventuras e de sòmis