Una avançada bèla per la formacion dels ensenhaires dels establiments immersius en lengas regionalas
Aquela formacion se fa pels ensenhaires de 6 lengas (alsacian-moselan amb ABCM-Zweisprachigkeit,
basc amb Seaska,
breton amb Diwan,
catalan amb La Bressola,
còrs amb Scola-Corsa e occitan amb Calandreta).
Es l’ISLRF (Institut Superior de las Lengas de la Republica Francesa que coordona aquela formacion iniciala
e assegura lo ligam amb lo Ministèri de l’Ensenhament Superior e de la Recèrca.
La convencion foguèt signada a la Maison des Universités a Paris pel president de la ret dels INSPÉs (•) e director de l’INSPÉ de Paris, Alain Frugière,
e pel president de l’ISLRF, Joan-Loís Blenet, en preséncia de la presidenta d’A.B.C.M. Zweisprachigkeit, Karine Sarbacher, e del director de Diwan, Gregor Mazo.
Lo president de la ret dels INSPÉs èra acompanhat de la vice-presidenta, directritz de l’INSPÉ de la Réunion, Sandrine Marvilliers, e de la delegada
generala de la ret, Anne-Lise Rotureau.
Amb la reforma de la formacion iniciala dels ensenhaires de 2013, la creacion dels ESPEs e l’entremesclada facha entre concors
e Master MEEF, aquela formacion es condicionada a l’existéncia d’una convencion entre l’ISLRF e un ESPE primièr, puèi amb los novèls INSPEs.
Las dificultats encontradas dempuèi qualques annadas per d’unas lengas seràn aplanadas per la Convencion Quadre entre la ret dels INSPEs e l’ISLRF
que valida un Master MEEF lenga regionala en immersion.
L’ISLRF ten de saludar l’accion del Sénher Alain Frugière, president de la ret dels INSPEs, e de son burèu,
qui permetèron de passar delà un blocatge ancian que comprometiá una bona formacion iniciala pels ensenhaires dels establiments
que prepausan l’immersion en lengas regionalas de Fr’ança
De fach la formacion iniciala dels ensenhaires es un enjòc màger de la perennitat de l’ensenhament immersiu d’aquelas lengas
que son un patrimòni viu e preciós mas fòrça amenaçat dins nòstre país.