Mai 200 manifestacions revendiquèron ièr dins las principalas vilas de l’estat francés, dont las occitanas, las pojadas dels salaris contra los efièches de l’inflacion. La cauma es especialament seguida dins las rafinariás, amb lo 70% dels salariats en cauma segon la CGT, a l’SNCF ont tres sindicats sus quatre avián cridat a la cauma e tanben dins l’educacion, ont lo ministèri a raportat un seguiment de l’11%.
La cauma seguissiá l’apèl dels sindicats CGT, FSU e Solidaris e tanben d’organizacions de joventut.
La reforma de las pensions prevista pel govèrn francés es tanben una autra causa de las mobilizacions.
Endavant sosten la cauma
Lo movement politic occitanista Endavant a publicat un comunicat de sosten a la jornada de cauma e mobilizacions. Remarca que la situacion dels salariats es de mai en mai precària, e que l’ivèrn qu’arriba serà especialament dur a causa de l’inflacion.
Endavant es una plataforma sortida de l’etiqueta que presentèt 32 candidats occitanistas a las darrièras eleccions legislativas de l’estat francés. Sus la basa dels dètz ponches que los presentèt al sufragi universal aquela organizacion, intervindràn ldins los camps politics, socials, economics, lingüistics, culturals e ecologics, valent a dire çò que pertòca la vida vidanta del país nòstre.
Info / Jornalet Fotò : L’Indépendant