La collecion « A Tots« , dedicada a la pròsa occitana contemporanèa, festeja sos 50 ans d’existéncia. Un còp mai, l’IEO-Edicions presenta la « plega », un ensemble de 4 noveltats en soscripcion. La soscripcion es mai que tot un biais de finançar l’edicion occitana. Es tanben una faiçon agradiva, en crompant l’ensemble dels 4 libres a un prètz redusit, de partir a la descobèrta dels autors, de lor univèrs, emai de la varietat e de la riquesa de la lenga occitana.
•Bernadeta Romieu
Entrelusidas de vidas (novelas)
A Tots n° 233. 168 p. 15 €
Lo secret del licièr, Lo silenci de Samuèl, qu’a montat son talhièr de licièr au retorn d’Auchwitz ; Lo soldat de l’Avent, que tòrna de la guerra de 14-18 ; lo Dançaire de las tèrras nautas, que tòrna dins sa familha per la mòrt de son pair. Tres destins, tres novelas per l’autora de A l’ombra dels cerièisses bèles.
==========
•Alan Maury
Labyrinthos (roman)
A Tots n° 236. 72 p. 10 €
La sala d’espèra d’una gara es tostemps un luòc estranh ont se crosan mantuns destins. Lo rescontre entre dos èssers a las istòrias personalas diferentas los va menar dins un periple azardós semenat de caòs, de revòltas, de mistèris. Lo prumier roman fantasiós, d’Alan Maury.
==========
Sèrgi Gairal
La Distanciacion (roman)
A Tots n° 234. 164 p. 15 €
Le desir d’èsser maire, la dificultat de la maternitat, las inquietudas de l’educacion entre proteccion e libertat. Lo destin quotidian d’èsser parent. Lo novèl roman de l’autor de « Delai la mar », « Lo barracon », « Un estiu sus la talvèra », etc…
==========
•Michel Fraysse
Los Beatles de Sant Çubran (roman)
A Tots n° 235. 160 p. 14 €
Las aventuras d’un grope de musicaires tolosans, entre esper, dificultat materiala e tensions relacionalas, en camin per un concors d’interpretacion de las chançons dels Beatles. Lo prumier roman en occitan de Michel Fraysse, en mena de road movie.
Lo prètz de la soscripcion per los 4 libres es de 46 €, frais de mandadís inclús. Es dobèrta fins al 30 de junh, e la parucion es previsda a la fin de junh. Per la soscripcion, vos pregam de completar lo bon çai-dejós e lo mandar amb lo reglament per chèc, a :
IEO Edicions (IEO IDECO),
1, rue des anciens combattants, ZA de la plana Sant-Martin
81700 Puylaurens / Puèglaurenç.
Bon de soscripcion « A TOTS » 2023
Prètz unitari (mandadís inclús) : Quantitat totala :
46 € X ……………… = ………………………………. €