Una manifestacion de Païs : la cronica de JL Blénet dins Midi Libre

En novembre de 2021 lo país de la bovina partejat entre Lengadòc e Provença, e que son còr n’es la Camarga, manifestèt a Nimes. 15000 personas e 1000 gardians faguèron « l’Auborada deis Ferris » en defensa das tradicions dau país daus buòus, de sas fèstas, son biais de viure e sa lenga.

Serà tot parièr aqueste dissabte 11 de febrièr au Clapàs que la bovina i es directament atacada per d’elegits ecologistas de la Metropòli de Montpelhièr. « La fe deis buòus» se limita pas a la corsa dins las arenas. Es un ensems de fèstas e rites que ritman l’annada e l’imaginari de la populacion, mai que mai de la joinessa. Atau l’11 serà una manifestacion prigondament culturala. Amai, tot de la cultura de la bovina es en ligam estrech e fòrt amb la natura. Es originau, preciós e rare. Lo paradòxe es que lo mond de l’ecologia sián en oposicion ferrotja e dobèrta contra una populacion que bota la natura e l’animau – buòu e chivau- au centre de sa vida sociala. Per aquò aurem de segur una manifestacion populara directament en contra d’un partit politic, lo daus ecologistas. Es ara lo sol partit important detestat d’un biais populari. De segur lo pòble d’òc de la bovina, abestit coma es, a pas comprés que la prioritat ecologica, la question la mai urgenta per la Tèrra es la corrida e la bovina.

   JL Blénet   Midi Libre .

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *

*