L’OPLO lança l’edicion d’un kit a destinacion dels actors de las collectivitats localas. Las tres primièras fichas d’aquel kit tòcan l’ensenhament de l’occitan a l’escòla : acompanhament a l’obertura de cursus bilingües, desvolopament de l’ensenhament afortit, acompanhament de l’obertura d’una calandreta. Caduna de las fichas es bastida en ligam amb los actors concernits e referents (OPLO, Òc-Bi, Regions pels cursus bilingües o la Confederacion Calandreta per exemples).
Per cada ficha, una pagina dedicada sul site de l’OPLO presenta de ressorsas complementàrias : quadre legal, argumentari suls beneficis de l’aprendissatge, modalitats practicas d’acompanhament per una collectivitat, espleches, testimoniatges, contactes dirèctes…
D’autras fichas son en cors d’edicion e seràn publicadas tot lo long de l’estiu, amb l’objectiu de presentar un kit complèt a la dintrada de setembre de 2023.
Los kits seràn utilizats pendent los diferents rencontres amb las elegidas e los elegits. Seràn egalament prepausats en depaus a mantun endrech estrategic del territòri interregional e seràn enviats sus demanda als actors e militants de terren.
Tota la còla de l’OPLO vos desira un bèl estiu !